• photo

CD "Alles kump weer good" 2004 - teksten

Patronaatsknoppele Hoes AllesKumpWeerGood 2004

Alles kump weer good

teks Jan Thomassen ~ meziek L. de Bruyn/V. Huits

Alles kump weer good

Jao alles kump weer good

Zit ’t sôms gèt taege

Verlees dan neet de mood

Alles kump weer good

Jao alles kump weer good

Höbbe ze de fits geklauwd

Gaon veer gewoon tevoot

Ins in ’t jaor sjteit biej oos, de kirmes op ’t plein

Veer ginge mit oos alle dreen veer veulde oos weer klein

Veer ginge in ’t reuzeraad dao hèj veer zwanne sjpas

Mèh wie veer baove kaome, hing dat deink dao oere vas

 Alles kump weer good

Jao alles kump weer good

Zit ’t sôms gèt taege

Verlees dan neet de mood

Alles kump weer good

Jao alles kump weer good

Höbbe ze de fits geklauwd

Gaon veer gewoon tevoot

Later ginge veer op sjtap in ’t cafeeke op ’t plein

Toen zaog ich ein swan maedje dao sjtaon, verseerde häör metein

Wie ich häör toen pwènne wou, waor häör sjtöm jhèl zjwaor

Toen hèj ich in de gate dat ’t eine manskael waor

Alles kump weer good

Jao alles kump weer good

Zit ’t sôms gèt taege

Verlees dan neet de mood

Alles kump weer good

Jao alles kump weer good

Höbbe ze de fits geklauwd

Gaon veer gewoon tevoot

Geit ’t neet zwa wiet geer wilt

Weit wat geer dan doot

Deink dan biej uch eige

Alles kump weer good


Dimitros

tekst Jos Hanssen en Pierre Lemmens ~ meziek L. deBruyn/V.Huits

Jappa

‘T is weer zôndig veer wille gèt gaon aete

Veer laupe door ‘t centrum van de sjtad

Doe maogs ‘t zaegge wo höb v’r ‘t letst gezaete

Geine Chinees dae höb veer gister nog gehad

Sjeet op laot gaon veer laupe hiej nao bènne

Ich waor nog nwats biej eine echte Griek

Roop d’n ober dan kènne veer beginne

Ich bèn Dimitros, en ich maak hiej meziek

 Hei Dimitros gank Dimitros

Pak diene boezoeki in

Roop d’n ober want veer höbbe zwanne zin

Hei Dimitros gank Dimitros

Bèste noe nog ummer hiej

Sjuuf dich ins opziej d’n ober geit veurbiej

 Woppa

 Gelökkig höb ver de menukaart noe te pakke

Bestèl mich al ein glaeske Griekse wien

Jao ‘t peil van de meziek begint te zakke

En ooze maag jao dae drèjt al van de pien

Môt veer oos noe, ‘t aete zellef haole

Veer veinge ‘t hiej gaaroets neet mjè sjiek

Wo bliefste veer zit’ op heite kaole

Ich bèn Dimitros en ich maak hiej meziek

 Hei Dimitros gank Dimitros

Pak diene boezoeki in

Roop d’n ober want veer höbbe zwanne zin

Hei Dimitros gank Dimitros

Bèste noe nog ummer hiej

Sjuuf dich ins opziej d’n ober geit veurbiej

 Veer wachte noe al oere op oos Griekse aete

Houwe veer dat van teveure mèr geweite

Veer vienge ‘t noe ech genôg gewaes

Sjtank mèr op…. veer gaon nao de Chinees


Aan de Maas

teks Jos Hanssen ~ meziek J. Blenco/F.Mays

Ich zit te vusje aan de Maas

Zonnebril veur op mien naas

Kiek nao ‘t lèndje wo ich noe al zwa lang laef

Jao dao sjteit mien auwershoes

En dao veul ich mich zwa thoes

Want dao woone alle luuj wo ich om gaef.

 Wie prachtig lik dao dat kestjèl

En sjwanne Maas wat sjtruimste sjnèl

Eine holle waeg mit aan ‘t eind ein hjèl auw meule

Ich hwèr de klank van ein fanfaar

Kiek dao vluug eine ooievaar

Grwatter leefde veur mien land zal ich nwats veule

Ich zit te vusje aan de Maas

Zonnebril veur op mien naas

Kiek nao ‘t lèndje wo ich noe al zwa lang laef

Jao dao sjteit mien auwershoes

En dao veul ich mich zwa thoes

Want dao woone alle luuj wo ich om gaef.

 De weintjer dae opins verdween

Toen de jètste zon versjeen

Frisje blaetjes aan de buim in sjtil gefluuster

Serpetines aafgedrèjd

Vastelaovend weggewèjd

Ich môt noe gaon want ‘t weurt al sjtilaan duuster.

Ich zit te vusje aan de Maas

Zonnebril veur op mien naas

Kiek nao ‘t lèndje wo ich noe al zwa lang laef

Jao dao sjteit mien auwershoes

En dao veul ich mich zwa thoes

Want dao woone alle luuj wo ich om gaef.

Ich zit te vusje aan de Maas

Zonnebril veur op mien naas

Kiek nao ‘t lèndje wo ich noe al zwa lang laef

Jao dao sjteit mien auwershoes

En dao veul ich mich zwa thoes

Want dao woone alle luuj wo ich om gaef


Sjeng

teks Jos Hanssen ~ meziek L. deBruyn/V.Huits

Sjeng haet ein grwat probleem

Ôm ziene boek pas geine bôksereem

Op ziene kop pas geine hood

En aan zien rechter bein zit eine leinkse voot

Sjeng haet ein grwat probleem

Ôm ziene boek pas geine bôksereem

Hae kènt in polonais neet door de kneeje zakke

Door dae boek kènt hae de sjouwers neet vaspakke

De kastelein dae reup hei doe batteraaf

Maak toch geine kwatsj kôm van….d’n dansvloer aaf

Sjeng haet ein grwat probleem

Ôm ziene boek pas geine bôksereem

Op ziene kop pas geine hood

En aan zien rechter bein zit eine leinkse voot

Sjeng haet ein grwat probleem

Ôm ziene boek pas geine bôksereem

Sjeng haet ’t in de polonais zjwaor te verduure

Mit twjè leinkse veut onmeugelik te sjtuure

De kastelein reup weer hei doe batteraaf

Noe is de ganse lak van mie….ne dansvloer aaf

Sjeng haet ein grwat probleem

Ôm ziene boek pas geine bôksereem

Op ziene kop pas geine hood

En aan zien rechter bein zit eine leinkse voot

Sjeng haet ein grwat probleem

Ôm ziene boek pas geine bôksereem

Sjeng haet ein grwat probleem

Ôm ziene boek pas geine bôksereem

Op ziene kop pas geine hood

En aan zien rechter bein zit eine leinkse voot

Sjeng haet ein grwat probleem

Ôm ziene boek pas geine bôksereem


Hoebair

teks J. Hanssen meziek J. Blenco/F.Mays

Hoebair biej oos naeve, dae is Oos-indies dauf

Este op h’m reups kiek hae dich aan sjus wie ne wauf

Ich höb h’m ins gevraog zitte dien warre vôl mit knauf

Gank ins nao d’n dokter veur gèt pille of gèt zauf zauf zauf zauf zauf

Hoebair kôm noe heivisj ’t is good gewaes

Wat zaeste?

’T kènt neet blieve doere kôm oet dae polonaes

Wat zaeste?

Vastelaovend viere is dat alles watste wils?

Wat zaeste?

Kôm gauw aant buffèt, dan besjtèl ich dich ein pils.

Good, doog mich mèr ein piepke!

Kôm gauw aant buffèt, dan besjtèl ich dich ein pils.

Hae waor ins in de Alpe, dao haet hae langgelauf

En vroog dao nao die hûtte, dan mussen sie daarauf

Dao vloog hae gauw nao bènne en reep doog mich gèt zu zauf

Wollen sie ein pilsje, nein doog mich mèr ôngerhauf hauf hauf hauf hauf

Hoebair kôm noe heivisj ’t is good gewaes

Wat zaeste?

’T kènt neet blieve doere kôm oet dae polonaes

Wat zaeste?

Vastelaovend viere is dat alles watste wils?

Wat zaeste?

Kôm gauw aant buffèt, dan besjtèl ich dich ein pils.

Good, doog mich mèr ein piepke!

Kôm gauw aant buffèt, dan besjtèl ich dich ein pils.

Hoebair ging ins aete besjtèlde zich dao knauf

Jao dat is ein kruusing tusche knien en tusche kauf

D’n ober vroog aan Hoebair gans doorbakke of leever hauf

Ich höb toch zwanne hônger jao doog mich mèr ôngerhauf hauf hauf hauf hauf

Hoebair kôm noe heivisj ’t is good gewaes

Wat zaeste?

’T kènt neet blieve doere kôm oet dae polonaes

Wat zaeste?

Vastelaovend viere is dat alles watste wils?

Wat zaeste?

Kôm gauw aant buffèt, dan besjtèl ich dich ein pils.

Good, doog mich mèr ein piepke!

Kôm gauw aant buffèt, dan besjtèl ich dich ein pils


Crème Puff

Teks Jos Hanssen ~ meziek J.Blenco/F.Mays

Ei cremke hiej ei puffke dao

Truuke geit op sjtap

Poejer veur en poejer nao

Truu doe bes geweldig knap

Ei cremke hiej ei puffke dao

Truuke geit op sjtap

Poejer veur en poejer nao

Truu doe bes geweldig knap

Gans vreug op vriedigaovend

De sjpeegel haet gedöld

’T is jhel vaolbelaovend

Zin de sjouwers good gevöld?

Get poejer op ‘t naeske

Dat dat neet mje zwa blink

Sjus ei bleumke in ein vaeske

Zin de walle weggesjmink?

Ei cremke hiej ei puffke dao

Truuke geit op sjtap

Poejer veur en poejer nao

Truu doe bes geweldig knap

Ei cremke hiej ei puffke dao

Truuke geit op sjtap

Poejer veur en poejer nao

Truu doe bes geweldig knap

Ein jhel sjwan mantelpekske

Of eine plwaije rok

Sjeun mit ein jhel klein hekske

En ein pentie of ein zok

Rwaj sjeun mit paarse zökke

Zou dat ein bitje sjtaon?

Noe geit ’t nwats mje lökke

Tis te laat om nog te gaon

Ei cremke hiej ei puffke dao

Truuke geit op sjtap

Poejer veur en poejer nao

Truu doe bes geweldig knap

Ei cremke hiej ei puffke dao

Truuke geit op sjtap

Poejer veur en poejer nao

Truu doe bes geweldig knap


Naard

teks Jos Hanssen ~ meziek L.deBruyn/V.Huits

Kiek dao ins op d’n trakter is dat neet ooze Naard

Hae veurt achter de keu aan door de proemegaard

Hae zal waal weer gaon mèlke dat deit hae eedere daag

Drunk zelf nwats gein mèlik want die lik h’m op de maag

Ziene klômp dae blief h’m hange in de brookezaum

Hae veurt mit volle vaart taege eine proemebaum

Dae proemebaum dae sjtôggeld alle proeme op de grôndj

En Naard mit zien gezich rech in de koojesjtrôndj

Kiek dao ins op de baojèm is dat neet ooze Naard

Hae lik op zien gezich dao in de proemegaard

Zou hae alweer gaon mèlke dat deit’r eedere daag

Drunk zelf nwats gein mèlik want die lik h’m op de maag

Naard geit weer aan ’t wèrk mèh is dat neet errig vraem

Die koo wat noe gemèlk weurt die haet mèr eine daem

Wo zin die anger drie haer Naard dae wèt zich geine raod

’T is gein koo mèh ein sjtier en dae’s verschrikkelik kaod

Wae rent dao door die wei haer is dat neet ooze Naard

Wat is hae zich aant sjpooje in de proemegaard

Hae môt zeker nog mèlke dat deit’r eedere daag

Drunk zelf nwats gein mèlik want die lik h’m op de maag

Wae rent dao door die wei haer is dat neet ooze Naard

Wat is hae zich aant sjpooje in de proemegaard

Hae môt zeker nog mèlke dat deit’r eedere daag

Drunk zelf nwats gein mèlik want die lik h’m op de maag


Eeder veugelke (duet mit Dé-jà Vu)

teks Jos Hanssen ~ meziek L.deBruyn/V.Huits

Eeder veugelke dat zink wie ’t gebek is

Kumpste oet Aelse, Mesjtreech of oet ’t heuvelland

Kalt eemes angesj deink dan neet dat dae gek is

Mèh loester good, dan klink ’t bès charmant

Veer zègge ‘n kalbas

Veer zègge tèsj

Goei de zakdook in de was

En de maalplak in de wèsj

Veer zègge boe

Veer zègge woo

Boe zèk veer ummer zoe

Dat zaet biej oos ein koo

Eeder veugelke dat zink wie ’t gebek is

Kumpste oet Aelse, Mesjtreech of oet ’t heuvelland

Kalt eemes angesj deink dan neet dat dae gek is

Mèh loester good, dan klink ’t bès charmant

Veer goon commisies doen

Veer haole waar

Veur oos klink dat hiel gewoen

Mèh veur oos klink dat jhèl raar

Veer praote laaaank

En veer gewoon

Klink sjoen in de zaaaank

Ja dan môt geer dat mèr doon

Eeder veugelke dat zink wie ’t gebek is

Kumpste oet Aelse, Mesjtreech of oet ’t heuvelland

Kalt eemes angesj deink dan neet dat dae gek is

Mèh loester good, dan klink ’t bès charmant

Eeder veugelke dat zink wie ’t gebek is

Kumpste oet Aelse, Mesjtreech of oet ’t heuvelland

Kalt eemes angesj deink dan neet dat dae gek is

Mèh loester good, dan klink ’t bès charmant

Mèh loester good, zie vinden ‘t charmant


Mit de tent

teks Jan Thomassen ~ meziek L.deBruyn/V.Huits

Vekansie kos oos neet väöl cent

Want veer gaon weer mit de tent

Vjèrtjèn daag höb veer ’t breid

Neemes dae oos nog gèt deit

De hondj dae is al weg gebrach

De buure höb veer daag gezach

Lekker weg ein waek of twjè

Wat wilste noe nog mjè

Eeder jaor steeds weer opnuuj

Gaon veer net wie alle luuj

Gaer ins effekes droet

Veur ein lekker broen sjnoet

Gans bepak en auch gezak

Alles weurt weer ingepak

D’n auto gans tot aan ’t daak toe vol

Begint de vekansielol

Kom veer dan in Spanje aan

Nao achtjèn oere autobaan

Höb veer weer ein gevech

Want de tent die môt rech

Dan is ’t alweer zwawiet

Wo waere veer oos sjpulle kwiet

Allein mèr Hollènjers hiej ôm oos haer

Vekansie höb veer gaer

S ‘aoves zit veer veur de tent

De sjouwers zin gans rwad verbrènd

Ein glaas beer in de hendj

Alles zit vol mit zendj

Es men dan eindlik sjlaope geit

Bliek ’t daoveur väöl te heit

’T leukste wat dan eindelik weurt gedaon

Is weer nao hoes toe gaon


Wo bèste toch gebleeve

Teks Jos Hanssen ~ J.Blenco/F.Mays

Wo bèste toch gebleeve

Mien Limburg aan de Maas

Mit en mit gèt weggedreeve

Versjlak wie bloome in ’n vaas

Limburg dao is väöl goods vergange

Bès grwètsj op alles wat ste höbs

Wat weg is kènste neet vervange

De mis gèt este door oos lèndje löps

Limburg dao bèn ich toch gebaore

Doe bès verschriklik krank

Dao waore veldjwaeg mit karresjpaore

Noe febrikke mit jhèl väöl sjtank

Autowaeg wo kaore sjtông te zjweeve

Mien Limburg wo bèste toch gebleeve

Wo bèste toch gebleeve

Mien Limburg aan de Maas

Mit en mit gèt weggedreeve

Versjlak wie bloome in ’n vaas

Limburg dao is väöl goods vergange

Bès grwètsj op alles wat ste höbs

Wat weg is kènste neet vervange

De mis gèt este door oos lèndje löps

Wie ’t waor zwa hauw ver ’t motte laote

Oos eige heuvellèndj

Al’mit gaffitie volgesjpaote

Dat höb veer neet mjè in de hèndj

Wat ich zaek, dat is neet euverdreeve

Mien Limburg wo bèste toch gebleeve

Wo bèste toch gebleeve

Mien Limburg aan de Maas

Mit en mit gèt weggedreeve

Versjlak wie bloome in ’n vaas

Limburg dao is väöl goods vergange

Bès grwètsj op alles wat ste höbs

Wat weg is kènste neet vervange

De mis gèt este door oos lèndje löps

Wat weg is kènste neet vervange

De mis gèt este door oos lèndje löps


De Frieteboet

tekst Jos Hanssen ~ meziek L.deBruyn/V.Huits

Maan waor mit vastelaovend, verkleid es baviaan

En kaom nao zeve cafees, biej ein friettekräömke aan

’t waor hartsjikke drök, en hae sjtông gans achteraan

hae reep hallo hallo, höb geer, veur mich hiej ein benaan

Jao ’t is toch zwa gezellig hiej in de frietteboet

’t is jhèl errig drök de condens sjteit op de roet

hiej kriegste frit mit frikandel of eine hauve haan

dat intreseert mich gaaroet niks ich wil allein benaan

Gans veuraan aan de balie, sjtông eine indiaan

Hae vroog zich frit mayonais en auch eine mexikaan

En Maan reep toen jhèl hèl, hei doe frittepyromaan

Ich wil hiej weg höb geer veur mich, hiej eindelik benaan

Jao ’t is toch zwa gezellig hiej in de frietteboet

’t is jhèl errig drök de condens sjteit op de roet

hiej kriegste frit mit frikandel of eine hauve haan

dat intreseert mich gaaroet niks ich wil allein benaan

Jao ’t is toch zwa gezellig hiej in de frietteboet

’t is jhèl errig drök de condens sjteit op de roet

hiej kriegste frit mit frikandel of eine hauve haan

dat intreseert mich gaaroet niks ich wil allein benaan


Neske

teks Jos Hanssen ~ meziek L.deBruyn/V.Huits

Kèns dich Neske Sjtiene

Die geit toch ummer kiene

Nei winne deit ze nwats

Dan waere deure toegeklats

En hink de kat in de gerdiene

Oh Neske Neske haut toch dien gemaak

Doe jeugs hiej eederein nog op ’t daak

Sjei noe oet mit sjelle, haut toch diene mondj

Doe môs get mje gaon lache, want lache is gezondj

Doe môs get mje gaon lache, want lache is gezondj

Neske ging mit Christiene

Verkleid es twjè begiene

Mit de carnaval op sjtap

Mit eine pater aangepap

En toen reep Nes dat is de miene

Oh Neske Neske haut toch dien gemaak

Doe jeugs hiej eederein nog op ’t daak

Sjei noe oet mit sjelle, haut toch diene mondj

Doe môs get mje gaon lache, want lache is gezondj

Doe môs get mje gaon lache, want lache is gezondj

Neske drûnk auch gaer wiene

Gemaak van appelsiene

Ze pak zich eine sjlôk

En häör gans gezich vertrôk

Want dae sjmaak nao terpetine

Oh Neske Neske haut toch dien gemaak

Doe jeugs hiej eederein nog op ’t daak

Sjei noe oet mit sjelle, haut toch diene mondj

Doe môs get mje gaon lache, want lache is gezondj

Doe môs get mje gaon lache, want lache is gezondj

Oh Neske Neske haut toch dien gemaak

Doe jeugs hiej eederein nog op ’t daak

Sjei noe oet mit sjelle, haut toch diene mondj

Doe môs get mje gaon lache, want lache is gezondj

Doe môs get mje gaon lache, want lache is gezondj


Jodelodelohiti

teks Jos Hanssen ~ meziek J.Blenco/F.Mays

Jodelodelohiti jodelodelohiti hae sjteit hiej weer te jodele wat is dat ein kebaal

Jodelodelohiti jodelodelohiti ‘t deit ein bitje pien is hiej ne dokter in de zaal

Jodelodelohiti jodelodelohiti hae sjteit hiej weer te jodele wat is dat ein kebaal

Jodelodelohiti jodelodelohiti ‘t deit ein bitje pien is hiej ne dokter in de zaal

Hae waor ins in de supermèrt hae is ein bitje klein

Gans baove op de plank sjtônge de erwte extra fijn

Hae reikde en hae reikde en dat ging gaaroets neet good

Kaom die blik nao ônger, rech op ziene voot

Jodelodelohiti jodelodelohiti hae sjteit hiej weer te jodele wat is dat ein kebaal

Jodelodelohiti jodelodelohiti ‘t deit ein bitje pien is hiej ne dokter in de zaal

Jodelodelohiti jodelodelohiti hae sjteit hiej weer te jodele wat is dat ein kebaal

Jodelodelohiti jodelodelohiti ‘t deit ein bitje pien is hiej ne dokter in de zaal

Hae waor ins in de kamer hing ein foto aan de moer

Zien vrouw sjtông in de käöke maakde knien klaor in ’t zoer

Mit eine voot op’t trèpke en d’n angere op de schouw

Heef mit alle krach ziene nagel bondj en blauw

Jodelodelohiti jodelodelohiti hae sjteit hiej weer te jodele wat is dat ein kebaal

Jodelodelohiti jodelodelohiti ‘t deit ein bitje pien is hiej ne dokter in de zaal

Jodelodelohiti jodelodelohiti hae sjteit hiej weer te jodele wat is dat ein kebaal

Jodelodelohiti jodelodelohiti ‘t deit ein bitje pien is hiej ne dokter in de zaal


Ich höb mich versjlaope

teks Jos Hanssen ~ meziek J.Blenco/F.Mays

Ich höb mich versjlaope

En dat maak mich gaar neet bliej

Op èsjgoonsdig ginge mich de auge aope

En toen waor de vastelaovend al veurbiej

Ich höb mich vesjlaope

En dat maak mich gaar neet blie

Op èsjgoonsdig ginge mich de auge aope

En toen waor de vastelaovend al veurbiej

Op vastelaoves Dinsdig midde op d’n daag

De frit zoervleisj van Maondig die laog mich op de maag

Ich dach lèk dich ein uurke lekker op de bank

Woort wakker van de breevebös ônger op de gank

Ich leep de gank gauw op, reep wae maak dat kebaal

De kezèt van Goonsdig dat is toch neet normaal

Ich höb mich versjlaope

En dat maak mich gaar neet bliej

Op èsjgoonsdig ginge mich de auge aope

En toen waor de vastelaovend al veurbiej

Ich höb mich vesjlaope

En dat maak mich gaar neet blie

Op èsjgoonsdig ginge mich de auge aope

En toen waor de vastelaovend al veurbiej

Op de käöketaofel laog de narrekap

Mien sjeun die sjtônge sjus wo ich waor droetgesjtap

De jas vôl mit confetti laog nog op de bank

Höb ich ech gesjlaope achtjèn oere lank

Vastelaovend jao dae is veur mich noe klaor

Mèh de volgende dae doert nog mèr ein jaor

Ich höb mich versjlaope

En dat maak mich gaar neet bliej

Op èsjgoonsdig ginge mich de auge aope

En toen waor de vastelaovend al veurbiej

Ich höb mich versjlaope

En dat maak mich gaar neet bliej

Op èsjgoonsdig ginge mich de auge aope

En toen waor de vastelaovend al veurbiej

Op èsjgoonsdig ginge mich de auge aope

En toen waor de vastelaovend al veurbiej


Dit waor ’t weer

teks Jos Hanssen ~ meziek L.deBruyn/V.Huits

Dit waor ’t weer dit waor ’t weer

Tot de vol-le-gen-de keer

Dit waor ’t weer dit waor ’t weer

Tot de vol-le-gen-de keer

Raegent ’t in november

Dan vilt kèsjmes in december

Hwèrste peerlinke ônger de grôndj kwaeke

Dan kènste s’anderendaags de perepluu opsjtaeke

Dit waor ’t weer dit waor ’t weer

Tot de vol-le-gen-de keer

Dit waor ’t weer dit waor ’t weer

Tot de vol-le-gen-de keer

Höbste in februari väöl weindj in de zökke

Dan kènste in augustus keesje plökke

Raegent ’t sjtrôndj in plaats van raege

Dan is dat veur de boer eine zaege

Dit waor ’t weer dit waor ’t weer

Tot de vol-le-gen-de keer

Dit waor ’t weer dit waor ’t weer

Tot de vol-le-gen-de keer

Krèjt d’n haan neet veur ’t aovendrwad

Dan kriegste of raege of d’n haan is dwad

Kraake de knäök of piep diene rollater

Dan krieg veer s’anderendaags hjèl väöl raegewater

Dit waor ’t weer dit waor ’t weer

Tot de vol-le-gen-de keer

Dit waor ’t weer dit waor ’t weer

Tot de vol-le-gen-de keer

Dit waor ’t weer dit waor ’t weer

Tot de vol-le-gen-de keer

Dit waor ’t weer dit waor ’t weer

Tot de vol-le-gen-de keer tot de vol-le-gen-de keer

 

Druk op enter om te zoeken